images

नेपाली बजारमा बीएमडब्ल्युको र्याली बाइक भित्रिने क्रम बढ्दो ! मूल्य १४ लाख माथि

काठमाडौँ - नेपाली बजारमा हालै बीएमडब्ल्युको स्टाइल र्याली बाइक भित्रिएको छ । बीएमडब्ल्युको जी ३१० जीएसका तीन भेरिएन्ट मध्ये एक चाहिं काइनाइट ब्लु मेटालिक कलरमा रहेको र्याली बाइक हो । आकर्षक कलरमा रहेको यो बाइक धेरै राइडरहरुले रुचाउने नेपालका लागि बीएमडब्ल्युको आधिकारिक वितरक टर्क मोटर्स ट्रेडर्सले विश्वास गरेको बताएको छ ।

बाइकमा ३१३ सीसी वाटरकुल्ड, सिंगल सिलिन्डर, फोर स्ट्रोक इन्जिन रहेको छ, जसले ३४ पीएस पावर र २८ एनएम टर्क जेनेरेट गर्छ । १४३ किलोमिटर प्रतिघण्टा सम्मको उच्च गति भएको बाइकमा ११ लिटरको इन्धन ट्यांकी छ ।

यसको सिटको उचाई ८३५ एमएम छ भने ह्विलबेस १,४२० एमएम छ । अघिल्लो भागमा ११०-८० आर १९ इन्च र पछिल्लो भागमा १५०-७० आर १७ इन्चको टायर रहेको छ । यसको तौल १७० किलोग्राम छ ।

बाइकमा कास्ट आल्मुनियम ह्विल, बीएमडब्ल्यु मोटरार्ड एबीएस, रियर प्रि–लोड एड्जस्टेबल, सिंगल डिस्क फ्रन्ट ब्रेक, रेडियल फ्रन्ट ब्रेक क्यालिपर र अपसाइड डाउन फोर्क सस्पेन्सन उपलब्ध छ । त्यसैगरी बाइकमा स्लिपर क्लच र विभिन्न प्रकारका एलईडी लाइट सेटअप, इन्फो फ्ल्याट स्क्रिन, डे टाइम राइडिङ लाइट तथा राइड बाई वायर टेक्नोलोजी रहेका छन् । बीएमडब्ल्युको यो बाइकको मूल्य १४ लाख ७५ हजार रुपैयाँ तोकिएको छ । 

प्रतिक्रिया

पूरा समाचारको दैनिक विवरण नेपाल कुरा