राष्ट्रसङ्घद्वारा दिइने ‘स्पेसल प्रोग्राम अन प्राइमरी हेल्थ केयर अवार्ड’ भारतलाई 

नयाँ दिल्ली – भारतको राष्ट्रिय स्वास्थ्य अभियानअन्तर्गत उच्च रक्तचाप रोकथाम तथा नियन्त्रणका लागि भारतले संयुक्त राष्ट्रसङ्घको पुरस्कार प्राप्त गरेको छ । इन्डिया हाइपरटेन्सन कन्ट्रोल इनिसियटिभ (आईएचसीआई) उच्च रक्तचाप हस्तक्षेप परियोजना भारतको एउटा बृहत् योजना हो । भारतको विद्यमान प्राथमिक स्वास्थ्य सेवा प्रणालीभित्र यसको लागि मान्यता प्राप्त छ ।

सन् २०२२ को राष्ट्रसङ्घीय आकस्मिक कार्यबल र डब्ल्युएचओ स्पेसल प्रोग्राम अन प्राइमरी हेल्थ केयर अवार्ड भारतलाई आईएचसीआईका लागि बुधबार न्युयोर्कमा आयोजित संयुक्त राष्ट्रसङ्घको महासभामा प्रदान गरिएको हो । “यो अत्यन्त प्रभावशाली पहलले संयुक्त राष्ट्रसङ्घबाट प्रसंशा पाएको छ ।

हामी स्वस्थ र स्वस्थ भारत निर्माण गर्न प्रतिबद्ध छौं,” भारतका संघीय स्वास्थ्य मन्त्री मनसुख माण्डवियाले एक विज्ञप्तिमा भन्नुभएको छ । अधिकारीहरूका अनुसार आईएचसीआई नोभेम्बर २०१७ मा सुरु गरिएको थियो र दक्षिण एसियाली देशका धेरै राज्यहरूमा विस्तार गरिएको थियो । यस कार्यक्रमअन्तर्गत उच्च रक्तचापका ३४ लाखभन्दा बढी बिरामीले सरकारी स्वास्थ्य संस्थामा उपचार गराइरहेका छन् । रासस/सिन्ह्वा

प्रतिक्रिया

पूरा समाचारको दैनिक विवरण नेपाल कुरा