images

जाजरकोटमा अक्सिजन उत्पादन सुरु

जाजरकोट। स्वास्थ्य सेवा कार्यालय जाजरकोटमा जडान गरिएको अक्सिजन प्लान्टद्वारा अक्सिजन उत्पादन सुरु भएको छ। आज पूर्वगृहमन्त्री शक्तिबहादुर बस्नेतले उद्घाटन गरेसँगै औपचारिक रूपमा अक्सिजन उत्पादन कार्य सुरु भएको हो। 

एक दिनमा ४० भन्दा बढी अक्सिजन सिलिण्डरमा अक्सिजन भर्न सकिने स्वास्थ्य सेवा कार्यालयका निमित्त प्रमुख टिकाराम जैसीले बताए।

कम्तीमा १० वर्षसम्म यो प्लान्टद्वारा अक्सिजन उत्पादन हुने उनले जानकारी दिए । ८० लाखमा खरिद गरिएको उक्त प्लान्टले छिमेकी जिल्लालाई समेत राहत पुग्ने छ। 

विभिन्न समयमा समस्याले गाँजिएको जाजरकोटमा पछिल्लो समय स्वास्थ्य क्षेत्रमा भारी सुधारका संकेतसमेत देखिएका छन्। ५० सैय्याको जिल्ला अस्पतालका नयाँ संरचना निर्माणसमेत जारी रहेको छ।

झण्डै ३२ करोडमा नयाँ अत्याधुनिक भवन निर्माण कार्य जारी रहेको छ । भवन निर्माण कार्य ७० प्रतिशत पुरा भएको छ। कर्णाली प्रदेशका सुर्खेत र जाजरकोटमा मात्र ५० सैय्याको अस्पताल रहेको छ। कर्णाली प्रदेश सरकारको मातहतमा स्वास्थ्य सेवा कार्यालय भए पनि संघीय बजेटमा यो प्लान्ट खरिदका काम भएको हो।

प्रतिक्रिया

पूरा समाचारको दैनिक विवरण नेपाल कुरा