सेयर बजार दोहोरो अंकले वृद्धि

काठमाडौं - नेपाल स्टक एक्सचेञ्ज (नेप्से) कारोबारको दोहोरो अंकले बढेको छ । आज नेप्से ११.५६ अंकले बढेर एक हजार ९ सय ३३ दशमलब ५५ विन्दुमा बन्द भएको हो । बुधबार नेप्से ७.७२ अंकले घटेर एक हजार ९ सय २१ दशमलब ९९ विन्दुमा बन्द भएको थियो ।

९२ करोड ५१ लाख रुपैयाँ बराबरको करोबार भएको छ । बुधबार एक अर्ब २ करोड २२ लाख रुपैयाँ बराबरको कारोबार भएको थियो । मंगलबार एक अर्ब ३५ करोड २८ लाख रुपैयाँ बराबरको कारोबार भएको थियो ।

कारोबारमा आएका कम्पनीहरुमध्ये १२४ वटा कम्पनीको शेयरमुल्य बढेको छ भने ४९ वटा कम्पनीको शेयरमूल्य घटेको छ । १७ कम्पनीको शेयरमूल्य स्थिर रहेको छ । आज दुई कम्पनीको शेयरमूल्यमा उच्च वृद्धि भएको छ । घलेम्दी हाइड्रोपवरको शेयरमूल्य ६ प्रतिशतले बढेर प्रतिकित्ता २१९ रुपैयाँ पुगेको छ । नेप्सेका अनुसार किसान लघुवित्तको शेयरमूल्यमा सामान्य गिरावट भएको छ । यसको शेयरमूल्य २ प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी साइन रेसुङगा बैंकको भएको छ । यसको आज ७ करोड ६२ लाख भन्दा बढीको कारोबार भएको छ ।  
 

प्रतिक्रिया

पूरा समाचारको दैनिक विवरण नेपाल कुरा